اليس هذا ظلما من طرف الوالدين؟

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

أختي أتعاطف مع فتاة كهذه
لا أنكر ان هناك ظلما وإجحافا في حقها
لكن ساصارحك برأيي

أنا شخصيا لا أستطيع الخروج عن إرادة أهلي حتى ولو كان الشخص الذي تقدم لخطبتي لا مثيل له وأنا على دراية بأخلاقه
الكلمة الأولى والأخيرة للأهل

وأخيرا تذكري بأن كل شيء مقدر ومكتوب
يعني اللي كاتبها ربي راح تكون
عليك بالدعاء والسعي لاقناعهم إن كنتي ترين بأن في هذا مصلحتك
لا تيأسي

قلبي معك وأتمنى أن يرزقك الله خيرا في كل امورك
تقبلي مروري وتحياتي
أختك في الله شهيد

اين انتم يا اعضاء منتدانا الغالي

السلام عليكم ورحمة الله وبركاته
أنا في رايي اختي العزيزة انو تستخيري لله تعالى وتدعي اذا كان فيه خير ربي يقربه ليك ويخلي والديك يبدلو رايهم واذا العكس يبعده

وفي رايي ثاني تاخذي براي الوالدين ......لانو متنسايش بلي هم عندهم خبرة اكثر ومجربين ويعرفو احسن منا اكيد ...........وزيد مرات مثلا يعجبك شاب ويبانلك بلي مثالي ومكانش كيفو بصح في الواقع هو عكس ذلك ولو جزئيا وما تتكتشفيش هذا الشيء حتى تتطفر وتديه ....لخاطر الانسان لما يحب ما يتولهش للعيوب .....ووالوالدين بلاك يقدرو يكتشفو ويعرفو اكثر منك

على كل حال انا نصيحتي تستخيري ربي وتحاولي تقنعي والديك باش يشوفوه ويسمعوه ويسقسو عليه واذا كان مليح ومقبول مهوش مهم لو يكون من ولاية اخرى وان شاء الله يقبلو بيه.....

وتاكدي انو ربي يعطي كل واحد على حسب نيتو ...........
تقبلي تحياتي

الهدف من الاسلوب الذي كتبت به العنوان فقط للفت الانتباه ولا اقصد الظلم بمفهومه وجاكم الله خيرا على ردودكم القيمة ولكن اين هم بقية افراد اسرة المنتدى؟