من نحاسب اين الضمير المهني

السلام عليكم اخوتي واحبة الله
واللهراني حايرة للوضع لوصلنالو شيء يحيروحدة نعرفها مليح عندها 27 عام تزوجتهذي 5 سنوات وعندها طفل عمرو 3 سنوات حبت تزيد تنجب الاطفال اكيد من حقهاوالله يقول المال والبنون زينة الحياة الدنيا لكن الغريب انو البشر هملولاو يحدو .واش صرى لهذ الطفلة كي قرب موعد الولادة وحست بالالام راحتلسبيطارمكاين لا طبيب ولا ممرضين المهم صبرت ليفوت يقولها هدرة بقاتالمسكينة من هذ لهذ حتى صرات الكارثة الرحم نتاعها طرطقت البنت ماتت والامنحاولها الرحم يعني عمرها ولا تزيد تقول ننجب اولاد ويقولو تقدرت ايه كلشبالمكتاب بصح هذ اهمال ودرك شكون لنحاسبوه الزوج لمعندوش دراهم باه يديمرتو لسبيطار خاص ولا الطبيب لكان فالعيادة نتاعو ولا الممرضين لكانولاتيين بالهدايا ومزال مخبروهاش بلي نحاولها الرحم واش مصيرها قولولي مينرانا رايحين بهذ العقلية وينو الضمير المهني والله انا فحيرة وحبيتتشاركوني وتردو عليا وشكراااا

سلام الله عليكم

قدر الله ما شاء فعل

هدا هو الوضع لوصلنالوا أختي

المسؤول ليس في مكانوا و العمال كدلك

أين ما تدهب تجب التأخير و البيسطوا

للأسف هدا هما حنا في بلاد العرب و المسلمين

لا أحد يبالي للآخر سوى النقود و هدا فلان و فلان

هده المرأة ربي يعوضلها من جهة اخرى و ان شاء الله تصبر

و لها الأجر الكامل من عند رب العالمين

و ربي يبارك لها في الولد نتاعها و يجعله من الصالحين

صحيح قدر الله ما شاء فعل....
لكن يجب ان لا يبقى تفكيرنا بهذه الطريقة، نمرّ مرور الكرام على مثل ما حدث في هذه الواقعة
كل هذا بسببنا نحن
دائما نقول المسؤولين
ممكن يأتي يوم ونكون نحن مكان المسؤولين
يجب ان نغير هذه العقليات التي اصبحنا نمشي بها .... كل شيء عادي
كل واحد يحكم منصب يكون همه الوحيد الشهرية : وقتاش تدخل الشهرية ؟ واش الرابّال؟ لغدوى عطلة مدفوعة الاجر،....عمرهم لا يفكروا في هذا الشعب المسكين
يجب ان نغير نظرتنا تجاه العمل ،يجب ان نتقن عملنا ، الاحسان في العمل
لو ان كل فرد في هذا المجتمع يحاول ان يغير اخطاءه التي اصبحنا نراها عادية لصلح هذا المجتمع
نحن من المجتمعات المتخلفة ،افيقوااااا
الى متى ونحن نفكر بهذه الطريقة السلبية
يجب ان يبدأ التغيير منّا نحن و إلا فسيأتي يوم ونكون من هؤلاء المسؤولين وتكون نظرة الشعب لنا كما جاء في هذا الموضوع

هذا رأيي وارجو ان تتقبلوه