فطيمة
عضو محترف
- رقم العضوية :
- 6494
- البلد/ المدينة :
- بسكرة
- العَمَــــــــــلْ :
- استاذة في اللغة العربية
- المُسَــاهَمَـاتْ :
- 3622
- نقاط التميز :
- 4317
- التَـــسْجِيلْ :
- 18/10/2010
حكم المنية
بسم الله وعليهالاتكال وبالصلاة على خاتم الارسال محمد سيد الخلق والكمال
جابلنا الرسالة والدين
حكم المنيــــــــــــــــــة جار فالبريــــــــــــــــــــة ومـــــــــــــا هذ الدنيـــــا
الا محطة عابريــن
كل يوم راني نشوف قدامي مالموتى ألــــــــــــوف يروحو صفوف صفوف
فالمقبرة متجاوريــن
الوقت راه يجــــــــــــري وانــــــــــــا ماندري غدوا في قبــــــــــــــــــري
وش راح نقول ويوم الدين
راح نقول كنت متنســـــــك؟ وبديني متمســـــــك ؟ لطريق ربي ســــــالك
ولا طريق الغافليــــــــن
راح نقول كنت عالنية نجيب القرآن والأدعية والصفحة بيضاويــــــــــــــة
ونقرا كتابي باليميــــن
ولا راح نتلعثم كي نجاوب ونتكلم يا ربــــــــــــــي يا للي جعلتني مسلم
فك من لساني عقدتين
هل راح نكون مشرق اللوحة والإيمان راسخ ما تنحى صبحي فالعتمة مو فالضحى
كيما الناس راهم دايرين
هل ما راح نندم عالحـــــــــــــــج اللي خليتوا وكنت نتحجج ربي علي ما فرج
والدراهم عندي مكنوزين
شكيت وكثرت مالشكوات ضيع حق الناس فالزكاة ظنيت نخلد فالحيـــــــــــــاة
وكنت مالمغروريــــــن
ما خليت كرشي تجوع احيان وكنت ملهوف وجيعان الصيام نحيتو مالحسبان
وهو جنة ودرع حصين
أموري ما كانت باينة ما نتفكر نار ولا جنة وشايف انو الهنـــــــــــــــــــــا
شهوات مع العاصيين
وكانت النتيجة الحرمان كل شيء مغلوق في وجهي تيهان عرفت أنو اللي غضب الرحمان
محال ينجح ويكون مالفائزين
لكن رغم هذا الاخفاق كاين خيط رفيع منو الانطلاق خيط التوبة والانسان سبــاق
للخير ويكون مالمستدركين
ننويها نشاالله صـــــــــــــــــــــــادقة لله وحدواللي يبقى يجعلني مع آل التــــقى
في الجنة في علييـــــن
بن آدم عمرو ما يقول خلات مادامو عايش فالحياة الحمد لله هاي كاينة مبشرات
اللي تجعلنا منطلقيـــــن
الهدف واضح ومكمم ترجم هديو صلى الله عليهوسلم تدخل بيه وتقتحــــــــــــم
كل المناحي والمياديــــن
وما خاب اللي ولى لمولاه وان وانكسرلو وترجاه ورضى بواش عطـــــــــاه
وربي يحب التوابيــــن
وتبقى خاتمة الختمات الله الله يا خوتي فالصلاة بيها يرزقنا النجــــــــــــــــــاة
ربنا يوم الديــــــــــن
