شخشوخة كبوية

شخشوخة كبوية

آه على ذيك الأكــلة الشـــــعبية *** شخشوخة كــبوية اتنح المزيـرية
مطـبوخة بدين الحـــرة زريـبية *** اشبع يا جــعان وقول زيد شــوية
جرار مقـطع طايب في الصـبية *** و الدوايات اتفوح بروايح زكــية
راس حانوت قايــد في العمـلية *** وعـرق لصفر غير سفات شـوية
حبات طماطم تسرر لحـموضية *** وبو مرذوخ يعطيها سعة حرارية
بصلة وثوم خـوت في الجمعية *** و فلفل لخضر لازم يفـتح الشهية
لحم في الخلطة أطــراف دهنية *** يزيد في لدام عــامل سـبخة زيتية
رقاق مرخوس أمفـــتت بحـنية *** دقيقو قمح مطـحون برحى بـدوية
طايب على الطاوة بنار مــقدية *** أشــكال مقرصـــة الله الله يا عنيه
بدعت يا لحرة إخرجـتي بفـنية *** سقـيها وزيدي فـوقها دبـشة فــتية
قصعة الطـين حافلة بها مــملية *** اتسيل الريق ذي الصـفرة الذهبـية
وعندك لا تنسي لبلارة لمـسرية *** فلــفل بومنـــقوع دواء لـيك ولــيه
تربع يا جــعان و ركبــتك مثنية *** وشمر على ساعدك و كـول بـلدية
وابد بسم الله اتفتـــحلك الشـهية *** تبعد ابليس و تنزل بركـات مخـفية
وسلاطة فقوس بالــخل مسـقية *** تسـهل الهضم في كل لقمة معنية
وختامها جــررات دلاع تحلية *** وشكر الله يحفظ ذي لأكلة الشعبية

يعطيك الصحة خويا على هذا الابيات

والله شهيتنا ليها

واش رايح انقلك يا ســي هشام يا عينيــا *** انت كول واشبع و انا غير نقرى بعينيه
هاذي شخشوخة فاحت ريحتها في كل ثنية*** درت فينا حالة بهذا القصيدة الشعبيــة
على جالها درت بيتين نهدر فيهم شويا *** يزونا بلا ضحك راني نحشم ديروا فيا مزية

الله الله عليك ياشاعرنا العملاق وبمناسبة هذه القصيدة الرائعة أقول لك كما قلت مرارا وتكرارا وسأبقى اقول وأكرر ولن أحيد ابدا .......أنت عملاق فعلا و شاعر فحلا ولم ولن يستطع أحد مجاراتك في الشعر الملحون...وأنا أفتخر بك كثيرا أيها العملاق المبدع

هشام ( سقّي) فإن الجوع قاتلنا # # # أين الجفان أخاك جائع نهم

sohayl كتب:

هشام ( سقّي) فإن الجوع قاتلنا # # # أين الجفان أخاك جائع نهم

راكم هردتو الحالة واللعاب قد سال وغدا احضر الكابويا ويكون لها جلسة حميمية في سقيفة
و اولاد الحارة و العرضة زريبية
ولي فاتاتو القصعة يقول شبعت خير ما يطبح في هدرة الثرثارة
ويقول خليني من هذيك لمزية
راني عليك يا هشام خلينا من الهدرة
وجيب معاك المغرف و السقـــــــــــــــــوو راهم طاحو رجليا
من هزان الجحفة ولا نقولو القصعة الزريبية

السلام عليكم
شكرا اخي لطفي على المحاولة الجيدة والمس فيك شاعر في المستقبل فلا تبخل على نفسك وعلينا وشكرا اخي سهيل على الصورة المعبرة التي زادت للقصيدة رونقا وجمالا
ولا تنسوا عزومة الاخت فاطمة على قصعه شخشوخة بالكابوية حتى لا تهرب من المنتدى
وشكرا اخي امين على هذه الكلمات المعبرة

ملاحظة:
العزومة راهي عند خوكم نبض الخواطر الغائب الحاضر فهو يراقب كل صغيرة وكبيرة في صمت رهيب
المهم اخي امين لا تنسى ربعي من الفلفل الحار
وانت اخي لطفي عليك ب30 كغ من لحم كبش املح
وانت اخي محمد وسيم عليك بقصعه الطين وحبذا يكون مقاسها كبير لنأكل جميعا فلا تنسى ان اخي مدير المنتدى اكول خاصة الكابوية
وانت اخي سهيل عليك باحضار 50 دلاعه للتحلية
اما الاخت فطيمة فعليها باحضار رحى نتاع حجر لرحي القمح

ونبض الخواطر وهشام سوف يتبرعون بنهامة الاكل حتى تكون شهية الجميع مفتوحه

الحمد لله رب العالمين لقد انتهيت للتو من تناول و جبة الشخشوخة بالكابويا

و هذا بفضلك أخي هشام لما قرأت قصيدتك هذا الصباح

فقد أصدرت تعليمات مشددة و صارمة بضرورة طبخها للغداء

حسب المواصفات التقنية و الفنية التي وردت في القصيدة

أخي هشام لم أعهدك من (أهل مرو) ،تعرض أمامنا المآكل والمشارب ، ولا ننال منها غير إسمها ورسمها ، فإذا كنا سنأتي ومعنا ما طلبت فلقد صرت أنت الظيف بيننا ولست بالمظيّف ،فإن إعطاء الشطر نقيصة وإعطاء الكل كمال ، وما أراك إلاّ من بيت كرم وجود ، فكيف تسلل الشح إليك ، وألبسك طاقية (أشعب ) وهي فضفاضة عليك ،فأتركها وعد إلى قبيلة (طي ) يا رجل وسوف نغفر لك هذه الزلّة ،، هيا سارع وأعتذر لنا بجفنة بها ما وصفت وإلاّ سنسمك على الخرطوم ......أههههههههههههههههههههههههههه

بارك الله فيك اخي هشام والعقوبة للمعيدة فانها من اشهى الاكلاة

chakerallag كتب:

بارك الله فيك اخي هشام والعقوبة للمعيدة فانها من اشهى الاكلاة

واش خويا شاكر هذيك ماهيش معيدة راهي بوطون خويا كي تاكلها المعدة تضال تكدد فيها المخلوقة كرهت غير تسمع الغدا معيدة تضال تدعي هههههه

أخي شاكر تقدر تقولنا وشنهي هي المعيدة لأني لم أسمع بها مطلقا

فأرجو أن تعطيني أساسياتها على الأقل

أخي سهيل لاتخف إن شاء الله سوف نعرض الجميع على قصعة شخشوخة و انت أول المدعوين لها المسألة تحتاج الى وقت لتحضيرها فكن في الموعد .... وهذه المرة لا تحضر اي شيء سوى الشهية ...و يا حبذا لو تصوم هذه الأيام عن الأكل استعدادا للشخشوخة.

ياخويا هشام مادمت متخصص في شعر الشخاشخ والمعايد والدشايش .. راني حابك تجيبلي قصيدة على شخشوخة لقرع راني نموت عليها ..واذا كان الالهام يجيك بعد ماتعمرها راني مستعد نعرضك على شخشوخة قرع تضرب حتان يخرج الشعر على خنافرك ..المهم اكتبلي قصيدة على شخشوخة لقرع

السلام عليكم و رحمة الله تعالى و بركاته

و الله يعجز اللسان عن التعبير او المدح و الشكر، بالفعل انتم شعراء و لي عظيم الشرف ان اكون من مدينتكم و اعظم من ذلك ان اعرفكم شكرا جزيلا.... شرفتمونا

طلب للشاعر العملاق راني نحب لمعيدة بزاف كون تجود علينا بقصيدة فيها

على هذا الكلام الزين
والله يعطيك الصحة يا هشام
قالك كي تشبع الكرش يغني الراس

يجب ان تنقل القصيدة الى منتدى الطبخ
هههههههههههههههههههههههههههههه

ان شاء الله يا أخي و صديقي ابو رافي القصيدة الجاية اتنكون على المعيدة و كيما تشتي انت

شكرا لكي يا أختي زينب زينوبة ... تقدري تنقلي القصيدة الى منتدى الطبخ فهي مناسبة له فعلا

اما أخي أمين 350 بصفتك شاعر فحل... يا حبذا تكون القصيدة انتاع القرع من انتاجك و انا على يقين انها صوف تكون قصيدة رائعة فلا تبخ علينا أيها الشاعر العملاق

الله الله عليك خويا هشام

وين نلقاوها هذي

بصح راها المعيدة زعفت قتلكم ديرو عليا شعر و لا ننتحر

ههههههههههه


مشكوووووووووووووووووووووووووور


بارك الله فيك

والله من لكبار

كل ما ندخل لهذا الموضوع نخرج جيعانة ارحمونا من هاذي الهدرة

فطيمة كتب:

راكم طولتو يا خاوتي علي وشوقتوني لمعيدة ومحب حتى واحد يشرحهالي

ولا ماتعرفوش كيفية الطبخ

راني نستنى

المعيدة هي

اكلة

تقريب حسوة
ولا تقدري تقولي هي