التريسيتي

التريسيتي
أرجع يا زمـان و ذكرني بذوك الأيــام *** تاريخ السبــعينات في قلبي مشـهود
التريسيتي تـيار و في الكابلات عــوام *** موصول لكل دار بالكـنتور مشــدود
الزريـبه ولت أفـنار دور فـــيها حـوام *** ما تخاف من ظلمة و لا سارق حقود
البلاد راهي كبرت زادت في الأحجام *** و ترسيتي شاخ انقص في المـــردود
سونلغار تسـير فيه تطـــلق بالغــــرام *** هذا لاحقو الجر وذاك عليه مســدود
هـاوُ جاء هاوُ راح يتقـطع على الدّوام *** ما يقول شيخ كبير ولا صغير مولـود
تراثي نفـتخر بيه عاشـــت فيه أقــوام *** رجعونا ليه العَرُوش وقرْبَة الجـدود
اليوم عصر التكـلونوجيا وزيد بالقـدام *** لازم يقــطعوه مظـــخات بلا مجـهود
يتقطع بالساعــات راهـم علينا ارغــام *** حصتين في اليوم تحـرق كل الجــلود
المريض راه حـــاير عايش في دوام *** يروح لسبطار ولى يقعد بدار ممدود
المكيف في الحــيط عشش فـيه لحمام *** غير الشهيلي يغـرد انسى ذاك لبـرود
العَرق ماء سايل نظـــافة كـل أجـسام *** هدية من سونلـغاز ما تدفـع فـيه نْـقود
الماء البارد أنسى تتـوحم عليه توحام *** الفريشـدان حابسة ساكـن فيها الـــدود
التلفزيون أكحل محكوم عليه بالإعدام *** عند لمعلم امسوطي فيزبلات و ديـود
التاجر حاير مسكين ديمة في التخمام *** هذي سلـعة فاســــدة أغلـق يا محـمود
الخــباز ريقو ناشف عايش في حـمام *** الخـبز ما هو طايب كــول يا مسعــود
التريسيتي ماشي و خارج في انسجام *** يتمتع بيه البراني عاقـب على الحـدود
سونلغاز غنية مالها كـثير يا ســـــلام *** حرماتو علينا و ديمه في الخط رقــود
الفاتورة راهي جات هذا شيء معلوم *** لازم نعمل طابورات مسلسلة كالعنقود
خايف من الروطار طــابع بيه اخــتام *** ترضى بالزيادة ولى طـار من لعــمود
تمتع يا زريبي هذا حالك طــول العام *** حرارة الصيف و العَرق سايل ومعقود
أنفض الغبارعلى روحك فكر بالقـدام *** بلادك تزهى بيــك تتـحقق كل العــهود
طالب بالحــقوق في تَعــقـل و نـظام *** ما تعـمل تخـريب ولا تعــصب مشـدود
تنال كـل الأماني تعـــيش في ســـلام *** زريبة الواد غالية بلاد الشــيخ المـولود
رمضان على لبـواب تـوبة وصـــيام *** أصـبر يا مـومن ثـــــوابك عند الــودود

machallah raw3a rabi ywaf9ak

whkayet triciti rahi dayra hala surtout had sif skhana w les coupe ta3 triciti

w ramdan jay

rabi yssabarna w ykon fi 3awn li mrid w kol nchallah

السلام عليكم
شكرا وكل الشكر
على هذه الابيات التي تعبر على النهضة الفكرية لقرية ما كان لها وجود

أرجع يا زمـان و ذكرني بذوك الأيــام *** تاريخ السبــعينات في قلبي مشـهود
التريسيتي تـيار و في الكابلات عــوام *** موصول لكل دار بالكـنتور مشــدود

جميل جدا ما نثرته هنا
لكن نحن الآن في زمن اللعب و اللهو
حتى أصبحت أعمدة الكهرباء تلهو و تمرح
و كل هذا على حسابنا




شكرا لك أخي لم أجد سوى هذه الصورة المعبرة
سلمت أناملك

هشام الشاعر العملاق
ويعود عملاق شعراء المنتدى بقصيدة شعبية، و كما عودنا بكلمات بسيطة يعبر على لسان الكبير و الصغير ما نعانيه مع الكهرباء في فصل الصيف، اقول لك انك عملاق حقا، و اعلم اني انتظر جديدك لما فيه من تميز و انفراد
دمت لنا شاعرا و اراك ستصبح مصلحا انشاء الله
لا تحرمنا من ابداعك ... و لا تطل علينا فنحن في الانتظار

يعطيك الصحة اخي هشام

لقد كان لي الشرف أن أقرأ هذه القصيدة قبل أن تعرض في المنتدى

فوجدتها تحكي عن الواقع المر الذي نعيشه و تصور بحسرة كبيرة حياة المواطن البسيط حيال ضعف الكهرباء أو انقطاعها أحيانا

رغم ان الجزائر تبيع الكهرباء للخارج يا سبحان الله

خبز الدار يأكله البراني أما الزوالي البسيط فله الله

اقول لأخي هشام هشام أحسنت و أبدعت في الوصف و التعبير بكلمات جميلة و تعابير سلسة جذابة

دمت شاعرا كبيرا للمنتدى

يعجز اللسان عن وصف البيان في صورة هشام
فوق عمود الكهرباء
ويلك يا هشام من سوط الزمان و انت تعلم ان التريسيتي لن يرحمك

السلام عليكم ورحمة الله وبركاته
أشكر جميع الإخوة على الإطراء ...جميل أن يكتب الإنسان عن الواقع المعاش ولو بكلمات بسيطة

شكرا اخي هشام على القصيدة الرائعة
دائما تأتينا بالجديد وفي وقته
مواضيع تعالج مشاكل يومية وآفات اجتماعية يعاني منها جيلنا
بصراحة ، تمنيت لو ان احد مسؤولي او موضفي شكرة سونلغاز يقرأ هذه القصيدة

وفقت

رائع جداً....عجبتني بزاف ...يعطيك الصحة.
مام فكرتني انا في ايام زمان
انا نسكن في بلاسا في وحد العام كانو يقطعو علينا التريسيتي لعشيا كل يوم حتى وحد النهار(تلاقات مع الماتش) صرات ثورة تاع الصح وش صرا....ولاد لمدينة الي نسكن فيها خرجو كامل مع بعض ...حرقو كلشــي...حرقو قاع لمدينة ...ما جاو يسكتوهم حتان...و منذ ذلك الحين لم ينقطع التيا ونحن نعيش في امان وسلام وفي سعادة.>>>ما تعينوناش

كل بلاد عيبها على رجالها