Maroua.G
عضو نشيط
- البلد/ المدينة :
- تقرت
- العَمَــــــــــلْ :
- طـالبـة
- المُسَــاهَمَـاتْ :
- 302
- نقاط التميز :
- 170
- التَـــسْجِيلْ :
- 14/05/2011
حبيت نهدر اليوم و نحكي على بلادي ----على الهم لي رانا فيه بقيت نشكي و نادي
في بلادي عايشين غير في الميزيرية ----و مازالنا شادين في التمييز و العنصرية
مازالنا نقولو هادا ابيض و هاد اسود---- مش حاسين ببلادنا لي نهارها ولا اسود
مازالنا قاعدين و نستناو في رزق يجي---- ياخوتي حنا لي نسعاو و دراهم بربي تجي
تحب نكملك وش صاري في بلادي مالا تبعني و ما تقولش يكفيني
الحقد في بلادي راه داير حالة ما ----نحبوش الخيرعلاه هاداك عندو و انا لالا
وينها الحضارة و وينو التقدم ----ولا نبقاو نتفرجو في ناس و هي تخدم
تكبر في بلادها و تبني و تعمر ----و حنا نبقاو نشكيو لخديجة و معمر
نزيد نحكيلك على ولد بلادي مسكين ديما محقور و السياسة تاعنا خلاتو ديما لور
يقرا و يتعب و يفرح لميمة على خاطر---- غدوة يتخرج بصح من داك ربي اللي يفرج
يجري و يحوس و في لاخر وين يكبش ----يكبش في بابور و يقولك انا نروح لازمني نحرق
واش لي وصلو يرمي روحو في لبحر ----ما يعرف منين يبدا و لا وين يخرج
هادا شوية من لي يصرا في بلادي نطلبك ياربي انت العالي تفرج علينا الغمة هاديا
و نعيشو سالمين و نتبعو السيرة النبوية ----نفرحو بلقليل و البراكة في الراحة ماشي بالمادية
MAROUA.G