خلاصة الأمثال والحكم وما جاد به ذوو الهمم

تعميما للفائدة وحرصا على عدم ضياع موروثنا الثقافي وإندثاره إرتأيت أن أجمع تلك الأمثال التي تفضل بها أعضاء منتدى وادي العرب الجزائري وذلك كي يسهل للطالب والباحث من إقتناءها والوقوف عليها دون عناء
البحث ، شاكرا كل من ساهم في هذا الموضوع وحاثا الإخوة في مختلف المدن والحواضر والقرى والمداشر على إثراء هذا الموضوع وأخذه بمأخذ الجد كي تعم الفائدة وشكرا.

تقديم : وليد سهيل

الأمثال والعضو المساهم بها :

لطفي : "الباب الي جاك منو الريح سدو وأستريح"
"دير الخير وانساه ،ودير الشر وتفكرو"
ألي بدلك بالفول بدلو بقشورو
الواد مديه وهو يقول محلى برودو
"دير روحك بهلول ، تشبع كسور"
"شحال من نملة دخلت للغار"
"كل تاخيرة فيها خيره"
" او ساح الخير"
وين كنتو يا خرفان(ج.خروف) كي كنا جزارا(ج.جزار)

فرحة : اللي فاتو الطعام يقول شبعت واللي فاتو الكلام يقول سمعت- -
اللي مايشوفش من الغربال يسمى اعمى
كل فولة مسوسة عندها كيالها
خدام الناس سيدهم
جا من تالي وقال يا مالي
"ما تخالط روحك بالنخالة ما ينقبك الدجاج"
البلا اذا جاك من جناحك قصو
ما رضى والديه لا خير
ابكي يا قلبي على الي ماتو و متبكيش علي فارقك في حياتو
العمشاء ( اللتي لها سوء نظر) في بلاد العميان حسنت الانظار
كبر الراس للدبارة وكبر الرجلين للخسارة
خنفوسة تلهيني ولا غزالة تشقيني
لسانك الا صنتو صانك و الا خنتو خانك
الي في كرشو التبن يخاف من النار
كي تتعمر الكرش تقول للراس غني
اسمع كلام الي يبكيك وماتسمعش كلام الي يضحكك
فرط في كل اصحابك الا صاحب بوك ماتفرطش فيه
**اذا كنت زين استر روحك على العين ، واذا كنت قبيح استر روحك على الفضائح**
**حكمة بلا شيخ ما تتعلمها .**
**اسال مجرب و لاتسال طبيب **
**أخدم باطل ولا تقعد عاطل.**
**الحمار حماري و أنا راكب من اللور**
** الزعاف يخرج السر.**
** الفم المزموم ما يدخله الذبان.**
** اقصد الدار الكبيرة لا ماتعشيتش تبات دافي.**
** كم من قبة تنزار ومولاها في النار.**
** عام يكثر التبن يكثر اللبن.**
** الكبش ينباع بجزته.**
*** حماري ولاعود الناس.**
** قد ماتكبر العين الحاجب فوقها.**
** اللحم يجىء الي ما عندوش اسنان**

CLEVER الهدرة بلا فايدة كالمسمار في المايدة

DEEDEE سافر تعرف الناس -وكبير القوم طيعو
كبير الكرش والراس-بنص فلس بيعو


إيمـــان : إلي ما يشبع من لقم لقم مايشبع من لحس لحس
الي باغي الشح ما يقول اح
عقرب في غار ولا زوج بنات في دار
فايض ولا مخصوص
الى اعطاك زمبيلوا عبيلوا
جبت القط يونس فيا قعد يبرقلي في عنيه
طاح يقول زلقت
الى مايعرف البخور يجرق حوالاه
الى لقيتوا راكب فوق عود *خشب*قلوا مبروك
الى شاتي شهوة يديرها في عشاه
الى يدخل بين البصله وريحتها ما ينوبوا غير ريحتها
الى عحبك رخسوا في الدار يتبقى نصوا
جا يكحلها عورها
الى ماعطاكش فكلوا
كل خنفوسه عند امها غزا
قصعت جدي الى جا يدي
لعود*الحصان*
طرشه وقالولها زغرتي
غيب يا قط العب يا فار
الى كلا سهموا يسكر فموا

حط روحوا في النخاله نقبوه
من البرا هلا هلا ومن الداخل يعلم الله
دار الحداد تبقى بلا موس
المال السايب يعلم السرقه
القط يبغي خانقوا
الي عاند السماء عما والى عاند الارض تبابو عينيه
كون الزيت في برتمها راه بان في برمتها
دير صبعك في عينك كيما تحص نفسك تحص غيرك
واحد قلبوا على جمرة ولاخر قلبوا على تمرة
هاك يا قبي هاك يا فمي ادا تكلمت بدقني ربي

طـــارق : دبر الفار على مول الدار
حوحو يشكر روحو
كان كاري ولاٌ مول الدار
اشري الجار قبل الدار
اللي يزرع الريح يحصد غبارو
الي خلص دينو شبع
حوت ياكل حوت وقليل الجهد اموت
كان حي مشتاق تمرة عندما مات علقول عرجون
الي ماهو ليكك غير اعييك
ربي يخلف على الغابة و لايخلف على الحطابة

نريمان :I BLA 3ARTHA Y BAT BLA 3SHA
لعريس يتعرس و المشوم يتهرس
ادا تخلطت لديان شد في دينك
الصيف قاطو و شتا بوقاطو
لي حب الشبح ما يقول اح
كي طارت لطيور جات الهامة دور
طوال الخيط ما هو خياط لي يتزوجها على مالها يموت فقير و لي يتزوجها على
رجالها يموت حقير و لي يتزوجها على دينها يحبو ربي
و النبي البشير
لعقل لكبير للدبارة و لكرش لكبيرة للخسارة
الضراير طاحو متعانقات و السلايف طاحو متشابكات
الصمت حكمة تخرج من لحكايم لوما تصميم ولد لحجلة
ما يجي لحنش هايم

أمير المنتدى : لعروس يشكرها امها ولا فمها

نجم الإسلام : -ما يعجبك نوار الدفلة في الواد دايرضلايل** ولا يعجبك زين الطفلة حتى تشوف الفعايل
ضربات بالفيسان ولا ضربات باللسان
- إنلم فمي ولساني نروح لقبري هاني.
- إلي تضربو إيدو ما يحس.
- إلي ما شاورك هناكَ.



جمع وترتيب : وليد سهيل