Maroua.G
عضو نشيط
- البلد/ المدينة :
- تقرت
- العَمَــــــــــلْ :
- طـالبـة
- المُسَــاهَمَـاتْ :
- 302
- نقاط التميز :
- 170
- التَـــسْجِيلْ :
- 14/05/2011
مرحبا بيكم من جديد..راني نحوم كيما ديك الفراشة و نحاول نفيدكم بللي نقدر عليه
طريقة لصنع حاملة مناديل ورقية للمطبخ..نعم لواش ديما نشروا فيهم نتعلموا نخدموهم احسن و احلى
بشوية ادوات بسيطة متوفرة و هي كالآتي
بقايا من الجرنال لي ديما نقروه و نطيشوه..فكرة باه تعودو تستعملوه
غراء يكون قوي و فعال
صبغة يكون لونها مناسب دهبي او فضي مثلا تكون براقة
مقص و فرشاة للعمل بأحجام مناسبة الصغيرة للاماكن الضيقة و المتوسطة للبقية
و طبعا ما ننساوش السفيفة او الحاشية اللون اللي تحبوه
بسم الله تبداو في الطريقة
قصوا الجرنال على شكل اشرطة بالطول و لفوه كيما توضح الصور التالية
باه تصنعوا القاعدة جيبو اربعة من دوك الاعمدة او حسب العرض لي تحبوه و قصوهم قد قد
كيما راح نوريلكم في الصورة و لصقوهم مليح مليح
لحد الآن كلشي باين الحمد لله
دركا باه نبداو نديرو الجوانب و طريقة ساهلة بادن الله
بعد ما تنشف القاعدة قصوا المزيد من اللفائف و ابداو لصقوهم بطريقة مائلة على الجانبين
شوفو كيفاه
من بعد جا دور الصبغة استعملوا الفرشاه المناسبة في الوقت المناسب يا فنانين
تحصلوا على هاد الشكل
دركا وصلتوا لبر الأمان و جا وقت اظهار ابداعاتكم في التزيين
و هادي صور لحاملة مناديل الورقية لي تقدروا توصلولها
شوفوا ما اجملها و هي تحمل المناديل
للأمانة الصور منقولة لكن بشرحي و تنسيقي
MAROUA.G
