مرحبا أختي
أنا مررت بهذه التجربة وسأقول لك
لا شيء نقول عنه صعب بل نحن من نجعل السهل صعبا
انها دراسة في مستوانا اي كل سنه يطلع النيفو شوية صحيح لكن باش نقدرو نجيبو روحنا
لازم:
تراجعي دروسك كل يوم
تركزي على 3 مواد وهي العلوم والرياضيات والفيزياء لكن بشرط ماتنسايش باقي المواد لأنها هي تقدر تمنعك كون ماتخدميش في هادوك 3
لازم تحطي راسك مع الاساتذة وماتبعيش لبنات لي يتمسخرو مع بداية العام ويقولو رانا نخدمو على الباك
لا الدراسة والجدية لازم تبدا منذ أول يوم وما تحطيهمش في بالك لما يضحكو عليك ويقولولك راكي خوافة وقراية لا قوليلهم من يضحك أخيرا يضحك كثيرا واتأكدي بلي نتي لي راح تربحيهم
حلي تمارين ياسر ولازم يكون عندك ديما الجديد في التمارين باش تتعرفي على كل أنواع الاسئلة لي قادرة تجي وباش تعلمي يديك السرعة في الكتابة باش تلقاي روحك نهار الباك
وننصحك لما تقرري تحلي تمرين لازم تكون قدامك ساعة باش تعرفي مقدوراتك في السرعة على الفهم
اضافة الى مادة الفلسفة راهي مادة جديدة عليك وجامي قريتيها
اذا انا ننصحك ماتحفظيش المقالت كيما يقولو البعض لأنو كون تحفظي مثلا مقالة ويتبدل السؤال تبقاي داهشة
مالا لازم تفهمي الدروس مليح مليح مليح وتحفظي الضروريات من الدرس لي تستعمليهم في تركيب المقالة
وهذا ما حدث معي نهار الباك ماحفظت حتى مقالة وحتى درس لكن فهمت كل شيء
وتحصلت على 10 وهادي شكون يديها والناس لي حفظوا المقالات داو 2
اخيرا نقولك ماتخافيش من الباك لأنو امتحان كباقي الامتحانات وهذه نصيحة قالوهالي لما كنت مثلك
لكن لازم فقط الجد والمثابرة ولاتترددي في سؤال الاساتذة ولا تخجلي
وبالتوفيق وان شاء الله تكوني من الناجحين
اتمنى ان اكون قد افدتك
