نور الحكمة
طاقم الإشراف العام
- رقم العضوية :
- 1879
- البلد/ المدينة :
- التفكير الراقي
- العَمَــــــــــلْ :
- المساعدة لجميع الناس
- المُسَــاهَمَـاتْ :
- 9346
- نقاط التميز :
- 11190
- التَـــسْجِيلْ :
- 26/09/2010
هذه الأبيات نظمها الأستاذ الدكتور عبد القادر شريط أحد شعراء مدينة زريبة الوادي ولاية بسكرة على مركز التكوين المهني زريبة الوادي .... و لقد حظيت بموافقته على نشر هذه الأبيات
بســـم الله يا سادات *** نبدى نقرا هالأبيات
نحمد ربي العالمين *** خالق أرض و سماوات
و الصلاة على الأمين *** محمد بهي الصفات
و نحييكم يا حاضرين *** طلبة و طالبات
الأبواب تفتحت للتكوين ***هذا يوم المسرات
ربي يوفق أجمعين ***يا شباب الكرمات
ياللي تقرا في التمهين*** هات قلم و مسطرات
الأستاذ يعلم في الحين *** خبرة و قدرة و كفاءات
الإعلام الآلي شانو غالي *** و بيه تسير الإدارات
مفتاح الشاشة بلاسوري ***و بالونداوز ملفات
و بالبراعة يا ذكي *** تخزن فيه المعلومات
آلة في العصر الحديث*** صارت مقصودة بالذات
الخياطة فن قديم *** إشتهروا بها السيدات
اللبسة مع الوجه الوسيم*** دزيدك رغبة في الحياة
حرفة فيها ذوق و فن *** فيها حساب و مقاسات
و هي من أحلى المهــــن*** رزق و خير و بركات
هذا المركز راهو ليـــــك *** خسروا عليه المليارات
فتحوا قســم الميكانيـــــك *** باش يخرج إطارات
و الشعــب مـعول عليــك *** في تصليح السيارات
بالمحرك ربعة شــــــــواط *** بها دور العجلات
مقص و مشطة للحلاقــــة*** تبدى بيها الفتيات
الموضة ديما تكون معاها ***و بالسشوار التسريحات
صنعة يا سعد اللي سعاها ***و تعرف على القصات
الدقرادي و قص الفيلي و قص الكاري و الكسكات
ذيك الصبحة شفتوا عاقب ***يمشي يخطف في الخطوات
رحت سألت عليه الكاتب ***قالوا محافظ عالأوقات
إختصاصو في المستقبل ***كهربائي عمارات
طالب يتكون في المركز ***ميفرط في الواجبات
الطرز بليد و بالمشينة ***و الحرج راهو تسميات
يا ناس هاذي خدمة زينة ***تقاليد و فنيات
الفتلة خيط أصفر مذهب *** تصنع بيها الزخرفات
الطرز على القماش صعيب ***ما تقدوا كان البنات
هاذي خشب و هاذي نجارة ***و محلى صوت الماشينات
ياللي حاب تخدم بشطارة ***خزانة و باب و نافذات
في المركز يعطوك دبارة ***تنجح فيها في الحياة
يا سيلني لازم تفهم ***الفلاحة عادت بالآلات
فيها القوت قوت منظم ***و الفورات بمضخات
تخدم و الباقي تتعلم ***و تقدملوا تضحيات
هذا إختصاصو كهروتقني*** متخصص في التقنيات
قفالة و حدادة و تلحيم ***يحتاجوها في الورشات
نسخي و ثلثي و ديواني ***مغربي و رقعي إنجازات
هذا فن أهل الزماني ***دهن و خط وزخرفات
يا بناي أسمع ليا ***و أقرا مليح التصميمات
المغرف آلة يدوية ***و بيها تتلاح الطوبات
خيطك نيشان بالميزان ***و الساس متين مع العرسات
اليد بالخدمة مشغولة و العين تراقب بالنظرات
بليد و بالباتور تخلاطوا ***و التخصص حلويات
هذا راهو فن القاطو ***و عليه نظم أبيات
كروكي و شاراك و غريبية ***صابلي و مقرقشات
و المقروض في السينية سلطان المناسبات
قلب اللوز حاب يفوز*** على جميع المعروضات
قالوا هذا لا يجوز *** الموضة راهي دزيريات
ياللي حاب تتعلم صنعة*** سقسي على الإختصاصات
في الدراسة تلقى متعة ***و تكمل بالشهادات
تدخل دفعة و تخرج ***دفعة من بنين و بنات
يا مولاي بارك فيهم *** يا مجيب الدعوات
تغطية حصرية للمعرض النسوي زريبة الوادي
بســـم الله يا سادات *** نبدى نقرا هالأبيات
نحمد ربي العالمين *** خالق أرض و سماوات
و الصلاة على الأمين *** محمد بهي الصفات
و نحييكم يا حاضرين *** طلبة و طالبات
الأبواب تفتحت للتكوين ***هذا يوم المسرات
ربي يوفق أجمعين ***يا شباب الكرمات
ياللي تقرا في التمهين*** هات قلم و مسطرات
الأستاذ يعلم في الحين *** خبرة و قدرة و كفاءات
الإعلام الآلي شانو غالي *** و بيه تسير الإدارات
مفتاح الشاشة بلاسوري ***و بالونداوز ملفات
و بالبراعة يا ذكي *** تخزن فيه المعلومات
آلة في العصر الحديث*** صارت مقصودة بالذات
الخياطة فن قديم *** إشتهروا بها السيدات
اللبسة مع الوجه الوسيم*** دزيدك رغبة في الحياة
حرفة فيها ذوق و فن *** فيها حساب و مقاسات
و هي من أحلى المهــــن*** رزق و خير و بركات
هذا المركز راهو ليـــــك *** خسروا عليه المليارات
فتحوا قســم الميكانيـــــك *** باش يخرج إطارات
و الشعــب مـعول عليــك *** في تصليح السيارات
بالمحرك ربعة شــــــــواط *** بها دور العجلات
مقص و مشطة للحلاقــــة*** تبدى بيها الفتيات
الموضة ديما تكون معاها ***و بالسشوار التسريحات
صنعة يا سعد اللي سعاها ***و تعرف على القصات
الدقرادي و قص الفيلي و قص الكاري و الكسكات
ذيك الصبحة شفتوا عاقب ***يمشي يخطف في الخطوات
رحت سألت عليه الكاتب ***قالوا محافظ عالأوقات
إختصاصو في المستقبل ***كهربائي عمارات
طالب يتكون في المركز ***ميفرط في الواجبات
الطرز بليد و بالمشينة ***و الحرج راهو تسميات
يا ناس هاذي خدمة زينة ***تقاليد و فنيات
الفتلة خيط أصفر مذهب *** تصنع بيها الزخرفات
الطرز على القماش صعيب ***ما تقدوا كان البنات
هاذي خشب و هاذي نجارة ***و محلى صوت الماشينات
ياللي حاب تخدم بشطارة ***خزانة و باب و نافذات
في المركز يعطوك دبارة ***تنجح فيها في الحياة
يا سيلني لازم تفهم ***الفلاحة عادت بالآلات
فيها القوت قوت منظم ***و الفورات بمضخات
تخدم و الباقي تتعلم ***و تقدملوا تضحيات
هذا إختصاصو كهروتقني*** متخصص في التقنيات
قفالة و حدادة و تلحيم ***يحتاجوها في الورشات
نسخي و ثلثي و ديواني ***مغربي و رقعي إنجازات
هذا فن أهل الزماني ***دهن و خط وزخرفات
يا بناي أسمع ليا ***و أقرا مليح التصميمات
المغرف آلة يدوية ***و بيها تتلاح الطوبات
خيطك نيشان بالميزان ***و الساس متين مع العرسات
اليد بالخدمة مشغولة و العين تراقب بالنظرات
بليد و بالباتور تخلاطوا ***و التخصص حلويات
هذا راهو فن القاطو ***و عليه نظم أبيات
كروكي و شاراك و غريبية ***صابلي و مقرقشات
و المقروض في السينية سلطان المناسبات
قلب اللوز حاب يفوز*** على جميع المعروضات
قالوا هذا لا يجوز *** الموضة راهي دزيريات
ياللي حاب تتعلم صنعة*** سقسي على الإختصاصات
في الدراسة تلقى متعة ***و تكمل بالشهادات
تدخل دفعة و تخرج ***دفعة من بنين و بنات
يا مولاي بارك فيهم *** يا مجيب الدعوات
تغطية حصرية للمعرض النسوي زريبة الوادي