لحبيب لغدار

قصيده كتبتها على لسان صديقتي بعنوان :

لحبيب لغادر
هذي حكايه انا نرويها ** ونكشف سرارها وما فــيها

و مثالها واقعه تجاريها ** في العصــــرصــوره حيا

متألمه و قلبي مجــروح ** و الدمعة من عيني تلوح

غاب عني حبيب الروح ** أداتــــو بنـت الرومــيا

خـــلاني بفراقـو نعــاني ** تايه في همــوم زمــاني

آش نعــــمل يا خـــياني ** حبــيتو ممـــو عينـــــيا

عشــت معاه يام حـــلوه ** ما فكرت في ذيك لهوه

فيها طحت ماعندي قوه ** غريبه عنــــدو برنـــيا

نتفكر في حب زمــاني ** لكلمه معسله فيها معاني

انت فله ساكنه جــناني ** تعطر روحي دخلـــنيا

قصد لبابا يخطب فــيا ** عـينو تجري يبكي علـيا

و قـال لأهـلي و مــليا ** تعـيش معايا زهــوانـــيا

حبها ساكن في عيــنيا ** غـــير ترضى هي بـــيا

قصر عملتو للزوجـيا ** ونعمل عرس بالفنطــزيا

مشينا لثنين في تفــاهم ** نور الحب في قلوبنا هايم

فكري في الحاضر قايم ** نخلــــفلو ابهى الــذريا

جاء ذاك ليوم المشؤوم ** و بانت نيتو في لمغروم

وحب ثانيه يا عيب الشوم ** سلبت عقــلو بلعقلــيا

حسيت في كلامو تبلعيط **مقصودو مخيط بالخيط

وخبط كلش عرض لحيط **و انا عــايشه بالنـــيا

ونسى في غمضة عــين** واش جرى يا مومنين

نشـــكي لربــي لحـــــنين ** آش ســــــاوا فــــــيا

و رحل مـع ذيك لبنـــيه ** و خلا لي لكبدة مشويه

و الدمـعة بـنارو مسـقيه ** و لوسواس زاد علـــيا

شعر يسرى طه تبسة - سنة 2011 -

كلمات جميلة و رائعة

ومن الحب ماقتل