البوقالات

من منا لا يحب البوقالات فانها اشعار شعبية من الثرات الجزائري حيث تمتاز بلمة الاحباب لصنع جو حميمي لقعدة نسوية ادا حبيتوا الموضوع كل وحدة تحط بوقالة التالية تنوي وتقرا بوقالتها وتحط بوقالة
غادي نبدا نوو وووو
*******************
**********
********
****
*بسم الله بديت وعلى النبي صليت وليك هاذي البوقالة نويت ربيت الحمام في قفص المرجان وكلتلته السكر الأحمر والجلجلان نطلب من سيدي ربي يرجع لي سعدي

باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...

هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

بسم الله بديت وعلى النبي صليت وليك هاذي البوقالة نويت جارتي يا جارتي واشبيك زعفانة اذا بيك على الفطور راني شبعانة واذا بيك على التحواس راني عيانة واذا بيك ازرق العين نديه غير انا

مشكورة حبيبتي وصلت
باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...

قطّعت
اللحم بيدى و عملت بذور ، و سمعت الكلام بوذنى و عرفت من قالو ، يا قايلين
الكلام القبيح واش تربحوا ، أنا طاوس في القصر و انتم خفاش النهار ما
يضوالو.

hamsalhanine كتب:

بسم الله بديت وعلى النبي صليت وليك هاذي البوقالة نويت جارتي يا جارتي واشبيك زعفانة اذا بيك على الفطور راني شبعانة واذا بيك على التحواس راني عيانة واذا بيك ازرق العين نديه غير انا

هههههههه ........ عجبتني

قوليلي إسمك باش يبدا

hamsalhanine كتب:

بسم الله بديت وعلى النبي صليت وليك هاذي البوقالة نويت جارتي يا جارتي واشبيك زعفانة اذا بيك على الفطور راني شبعانة واذا بيك على التحواس راني عيانة واذا بيك ازرق العين نديه غير انا

ههههههههههههه
مام انا عجبتني هاذي

باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...

جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

بسم الله بديت وعلى النبي صليت وليك هاذي البوقالة نويت الزينة يالزينة و الزين ربي عطاك و طبيعتك الحنينة و كحل العين واتاك ربي يحفضك مالعوينة و يخليك للي بغاك هدي ليك نور

اسمك باش يبدى اختي

بالحاء مشكورين

hamsalhanine كتب:

بسم الله بديت وعلى النبي صليت وليك هاذي البوقالة نويت الزينة يالزينة و الزين ربي عطاك و طبيعتك الحنينة و كحل العين واتاك ربي يحفضك مالعوينة و يخليك للي بغاك هدي ليك نور

تسلميلي يا أختاه و ربي يعطيك ما تتمني



أصحاب الأسماء ألي تبدأ بالجيم

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت

جاني جواب كنت نستناه من عند البعيد.

وهاذي ليك يا همس الحنين
ونور
باسم الله بديت ..و على النبي صليت ...وعلى أصحاب الأسماء ألي تبدأبالحاء هذى البوقالة نويت...
حوم حوم يا حوام ، حوم فوق السطح العالي ، و قول لها يا لالة يا زينة
لبنات و خدودها براقة ، و عيونها غرّاقة ، صارت كل القلوب ليها سبّاقة

بسم الله بديت وعلى النبي صليت وليك هاذي البوقالة نويت لو كان السعود تنغرس بالعود نغرس ميات عود في وطية ، لكن السعود بيدك يا معبود . يا سقام السعود سقم لي سعدى

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...
سمعت قر الحمام في قاع السّجنة ، لا من سقاه الما ولا من طاه شعير ، يا
قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

بسم الله بديت وعلى النبي صليت وليك هاذي البوقالة نويت بنتي يا بنتي اجعلي السترة لباسك و الحرمة فوق راسك تعيشي في امان و تتفتحلك بيبان الخير و لحسان و تتعمر دارك ,هذا كنز يورثوه ولادك

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

بسم الله بديت وعلى النبي صليت وليك هاذي البوقالة نويت أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح لنور وبراء

عيطت على سيد الملاح صبت الناس رقود هزيت الدالية طاح منها عنقود النجوم
قالت النجوم نحكي و قال القمر نذوب اصبر يا قلبي ياك كل شي مكتوب .

ذاك الحمام اللي محبوس في السجنة يعيا و يفرج ربي و نرجعوا خير من اللي كنا

باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...


جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

وحكمتكم : الفقه جيش لا يهزم

طلبت من الله العافي يرسي كل مغبون بمينا ،ويكسي كل عريان وحافي ويبعد لهموم علينا،رد الفال لا تخافي عندي تخلاص الغبينة، دير النية بالقلب الصافي والنية باقية في القلوب الزينة،ياربي بارك في كل وافي وغرس الخصايل فينا، بالفال تعود وافي وبالنية باقيا الدنيا زوينة.

باسم الله بديت ..و على النبي صليت ...وعلى أصحاب الأسماء ألي تبدأ بالألف هذى البوقالة نويت...
نطلب ربي الفتاح يعطيني نحل البيبان و نشوف الهناء و نرتاح .

باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...

كلام على كلام و الكلام على سقيلة ، العين في العين و الدّعوة مقبولة.
و حكمتكم : ضالة الكريم حسن الثّناء.

باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك

بسم الله بديت وعلى النبي صليت وليك هاذي البوقالة نويت نطلب من ربي الفتاح يعطيني المفتاح ونحل البيبان ونشوف الهنا ونرتاح

جيت من البرج العالي ...طليت على لركان
شفت الريم الغالي وطيور من كل الوان،
ولي مشيطلي حالي ذاك الشاب لمزيان ..
زينو من ذاك الغالي ذهب صافي ومرجان ♥

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .

باسم الله بديت ..و على النبي صليت ...وعلى أصحاب الأسماءألي تبدأ بالخاء هذى البوقالة نويت..


يما يما ديريلي تويقة في وسطالحديقة باش نشوف زهرى كي تجيبو ذيك الوريقة.

لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .

بسم الله بديت وعلى النبي صليت وليك هاذي البوقالة نويت ماتعجبك ورقة الدفلة فالغابة دير الضلايل ومايعجبك زين الطفلة حـتـى تشوف الفعايل

امشيت درجة بدرجة... والسعد قالو مخبي والمكتوب لي فيه نرجا ... يجي ادا كتب ربي نطلب ربي او نستنى حتى يبان محبوب قلبي

لالة يا لالة بيني وبينك جبال وانتي قلبك قاسح وانا قلبي مذبال وأنتي قلتي
نسيتك ونحيتك من البال وأناقلبي أبيض وما زال يبغيك ويخسر عليك المال

بسم الله بديت وعلى النبي صليت وليك هاذي البوقالة نويت خلطت القمح باشعير ومليت بيه الحصيدة او مول دعوة الخير تقرب ليه البعيدة

بسم الله بديت وعلى النبي صليت وليك هاذي البوقالة نويت امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ

دارنا في الجبل ، مقابلة مكة ، مفتاحها من ذهب ، يشعل ما يطفي

. محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

[img][ندعوك للتسجيل في المنتدى أو التعريف بنفسك لمعاينة هذا الرابط][/img]