**دردشة رمضانية**

تذكير بمساهمة فاتح الموضوع :

من يحافظ على الإسلام من يا ترى

السلام عليكم
حنا اليوم طيبنا شخشوخة بسكرية

صح فطوركم يا اعضاء

اللهم امين منا و منكم صالح الاعمال

السلام عليكم

حبيبتي لؤلؤة
كيف حالك و الله تعبنا طول

السلام عليكم

الحمد لله بخير وانت اختي ؟
انا البارحة عطاوني انا وبراء جائزة في المسجد
الحمد لله

انا في حفظ الربع وبراء في التجويد

نعم اختي لؤلؤة مبروك عليك

مبروك عليكم
ان شاء الله يكرموكم في ختام القرآن كامل

اااااامين يا رب

آجمعين اختي

قريب العيد

واش طيبتي قاطوات اختي احلام

درنا مقروظ و بقلاوة وشاراك وعش البلبل
وانواع اخرى ماعلاباليش باسمها المهمة بنينة
هههههههههههههههه...وانتما اختي

ههههههههههههههههههه

حتى والله رانا الاخيرين لضرك ما درنا والو
ربما ممبعد ندير البقلاوة

والباقي ما عرف

هههههههههههههههه
معليهش المهم ديرو

السلام عليكم

وعليكم السلام

كيف هي الأحوال

صح فطوركم يا احلى اعضاء

صح فطوركم
تقبل الله صيامكم

السلام كيف احالكم
وصح فطوركم
وماهي نتائج مسابقة التجويد

اهلا اختي بلسم
صح فطورك

بلسم كتب:

السلام كيف احالكم
وصح فطوركم
وماهي نتائج مسابقة التجويد

اهلا استاذة بلسم كيف حالك
براء فازت و شرفتنا
و لؤلؤة انسحبت

اهلين وسهلين متفائل
كيف الاحوال
والله شرفتنا الف مبروك
والله ماسمعت
اصلا لم اكن في المنزل

والله اخجلتموني بكلامكم شكرا لكم

وان شاء الله نزيد نشرفكم مرة اخرى

ان شاء الله
تصبحون على الف خير

تصبحي على خير اختي بلسم

وصح سحورك

واصلي
ان شاء الله نشوفوك
كي الاخت وهيبة تومي

ان شاء الله يا رب

الف مبروك اختي براء

الله يبارك فيك

السلام عليكم ورحمة الله وبركاته

السلام عليكم

كيف الحال

الحمد لله بخير
كاش ماكاين قاطو جديد للعيد ؟

علاه ما عجبكش القاطو لي درتو هذيك نهار

لالا راني غير نشوف كاش قاطو جديد منعرفوش
باه نديرو ونتعلم الوصفة نتاعو

علاه تعرفيالطيبي الميل فاي

*المقادير


500غ من الدقيق
500غ من الزبدة
قليل من الملح
ملعقتان كبيرتان من السكر
ملعقة كبيرة من الخل
أصفر بيضة
4/1 كاس صغير من الزيت
2/1 كاس صغير من الماء او أكثر


*الأن نبدء في الطريقه



في ايناء للعجن يوضع الدقيق ويجوف وسطه , يضاف اليه الملح والسكر ومقدار60غ من الزبدة والخل و قليل من الماء


يجمع الخليط ويصير متماسكا بالعجن جيدا
تغلف بورق النايلون وتبرد لمدة 15 دقيقة وكذلك لترتاح قبل وضع الخطوات النهائية
بعدها توضع العجين فوق مائدة مرشوشة بالدقيق , ثم تطلق بالوراق


ثم توضع فوقها ماتبقى من الزبدة وتجمع الجوانب الى الوسط على شكل ظرف . نغطيها ثم ندخلها مرة أخرى الى الثلاجة مدة 15 دقيقة
تخرج من الثلاجة وتبسط بالوراق ثم تطوى على ثلاتة في نفس الاتجاه
تكرر العملية ثلاث مرات ثم تغطى
تبسط العجين المورقة فوق مائدة مرشوشة بالدقيق وتقطع الاطراف لنحصل على قطعة متساوية الاضلاع لنحصل على ثلات قطع
تثقب المستطيلات بالشوكة لكي لاتنتفخ في الفرن ثم ترش بالسكر
ويوضع كل مستطيل فوق صفيحة وتدخل الى الفرن
لما نخرجها من الفرن نقطع الاظراف فنحصل على هدا الشكل



طريقة التزين


*المقادير


كريم باتسيير
الفندون او الشكلاطة البيضاء
200غ من الشكولاطة السوداء للتزين


طريقة تحضير الكريم باتسيير



160غ من السكر حسب الذوق
3أكياس الفانيلا أو عود الفاني
2/1 من الحليب
رأس ملعقة صغيرة من الملح
5 أصفر بيضات
ملعقة كبيرة من الزبدة
3 ملاعق كبيرة من الدقيق


*الطريقة


يغلى الحليب مع الفانيلا اعواد او أكياس الفانيلا والملح فوق النار ( اعواد الفانيلا تزال من بعد)
يرفع القدرمن النار وتضاف اليه الزبدة الدائبة قليلا على شكل مرهم تم يوضع جانبا حتى تبرد



مقادير الفندون



500غ سكر ناعم
أبيض بيضة
ملعقة صغيرة من عصير الحامض او الخل



*الطريقة



في وعاء نضع السكر مع الخل او الحامض وابيض البيض الخلاط الكهربائي



ملحوظة ادا لم يطلق الخليط يضاف اليه قليل من عصير الحامض او الخل


او يمكن استعمال الشكلاتة البيضاء مكان الفوندون



نضع لكريم باتيسيير في كيس الحلواني ونبدء بعمل خطوط للحشو هكذا





ثم نضع طبقة المستطيل الثانية فوقهانكرر نفس العملية للمستطيل الثالت





نحاول سد الجوانب






ترش قليلا بالسيرو ( الماء والسكر مغلى فوق النار) ثم تزين








ثم تزين من الجوانب بالجوز المكسر




هذا هو الميل فاي
انا راني نتعلم في تطياب القاطو وصراحة الميل فاي مطيبتوش من قبل

واو لذيذ هل جربته

مازال مجربتوش

على حسب علمي الطريقة وعرة نوعا ما

ايه
هي صعيبة مي ربما في المستقبل نجربها هههههههههه

لازم تجربيها باش تعلقي رتبة حرة

صباح الخير عليكم

واش اختي طير كاش ما طيبتو قاطو

ايه طيبنا
رانا ضرك نطيبو

وانتم براء طيبتو