بالـله أكـــــبراستهليت هـــالأبيات **** و نصـلي على طاه باهي الصفات ثورة بلادي من أعظـم الثــورات **** تاريخها حـافل شـــوفو البطــولات أبطال في طــياتو أبهى اللـوحـات **** صـنعوا مواقــف حـــقوا الأمنـيات سي عــبد القادر زعيم الـــثورات **** و بن مهـيدي يضحك في المـمات ثورة بلادي من أضخم الثــورات **** حيِّـرت العـدو وكشف المسـتورات بواخر راسـية وأخـرى عــوامات **** تتـفنن في العوم أتجول المحـيطات فرانسا جات طـــامع في الخيرات **** تسلب في لراضي و تخلي ندبــات تجـنيد إجباري واجـب بالطاعــات **** أتغربت الشباب في عـمر الزهرات تمحمحت لقلوب و كـبده تشوات **** ما تبكيش ميمتي عندي معاهدات بعـــد الانتـصار مع لــلمان بـذات **** ما وفــت بعـهدها بنــت لحــرامـات ثامــن مايو تاريـخ و مظاهــرات **** تكـلم بيـها العــالم بجــميع اللغات شـــهداء طاحــت بآلاف المـيئات **** الشــهيد عـالي يتنــعم بالروضـات الشعب ثابت متحمل كل لهانــات **** أبلادي عزيزة وعزها في لوليـدات و الخاطـر مكسـور بكثرة آهـات **** بلادنا غالية نفـــدوها بالرويحــات تبكي لعـيون و تجـري بالدمـعات **** الحرية غالية مزينها كي الوردات جبال لـوراس منقوشة بالذكريات **** و كهـوف حصــــينة فيها لــوْيــات أبطــــــال بلادي ثـمة تلاقـــــات **** تخـطيــط جــبار قـانون وتوجيهات مسبل و فدائي عندهم ماموريات **** حـياتهم مهــــدة في كــــل لوقـــات و المـجاهد مثني ذيك ركـــــبات **** فـي لميدان عسكر وزيد الطـيارات ولمرا شاطـــرة يسلــــمو لديات **** قايمة بـدوها و في جبل ممرضات كسـرى طايبة و تزيد قــهيوات **** توصلها لمـجاهد ما تخاف الظلمات الزاب الشرقي طريق و ممرات **** السلاح منقوت يوصـــــل ضـمانات تلاحم الشعب و توحدت الريات **** شهر الثورة لاح أحــلى البـــسامات ساعة الصفر جـميرة مهــــدات **** الرصاص إيزغــــرت بالتكـــبيرات خــرج الهول على كل الجـبهات **** خلـــعت فرانــسا وقـــالت فـــــــنات عساكر ترجف و قالو زقــــات **** إستفـهام معـــكوفة مــع التــساؤلات و لقـــومية زادو في التعـــقيدات **** عمــــلو روايـع بالخـــلايق فـــــنات أبطـــال خــالدة تركـــو بصمات **** بالــدماء منـــقوش أبهى التوقيــعات صنعوها الرجالة سجلو ذكريات **** افتــخري يا بلادي أرض الكرمــات العــدو تلقى درسو بالشـورحات **** وارجـع في حسرا يعاني الــويلات الحرية غالية تجيبها المعـجزات **** والجزائر عــزيزة بلاد المعــجزات 05 جويلية تاريخ الانتصارات **** جــــبنا لستقلال و عـمت لفرحـــات