شغل البلوتوث حتى تستقبل شيء جميل جدا.

وحد الحاجة خطيرة نديروها كامل و مش علابالنا بالاثم اللي فيها

تتلاقا نتا و صحابك في قهوة ولا في حنوت و لا في الجامعة .. راكم تحكو من بعد يجبد واحد فيكم برطابلو

bien sur راني نحكي على البرطابلات multimedia

شوفو شوفو هاذ الكليب ولا مقطع فيديو تاع سواء او لقطة في فيلم او كليب .. المهم فيديو فيه ما يخدش الحياء ومحارم

كامل يجبدو برطابلاتهم و يقلولك عقبلنا هاذ الفيديو الروعة ..

نتا تبان بطل و تولي الجماعة كامل تحاول فيك باش تبعث لهذا لول قبل هذا ..
و بلاك وليت نتا هو اللي كل مرة تجيبلهم الجديد تاع المقاطع الخليعة و درت الـ succes ووليت مشهور

تلقى la carte memoire تاعك 1 giga مليانا الكثير تصاور طوموبيلات و موطوات و تاع سلاح و غنى من كل نوع ..


وللاسف ولا حتى سورة من سور القران .. نتى لي تسمى روحك مسلم

وكل مرة تاكتيفي البلوتوث ولا تعطي الكارت ميموار لواحد يهز كامل واش عندك .. و تهز نتا عليه ذنوبو


1 giga تاع ذنوب


قبل ما تاكتيفي البلوتوث تاعك وتحاول تعقب الفيديوات هاذو نقلك

stop

اقراو معايا هاذ الحديث

يقول الرسول الكريم :

((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا،
ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا ))

اخرجه مسلم في صحيحه.


يعني ببساطة ماكفاش الشيطان سيطر عليكم و خلاكم تدو ذنب مشاهدة المحرمات ... فوق هذا رايحين تتحاسبو كل مرة يشوف واحد هاذ المقطع


تخيلو معايا :


جبت نتا فيديو في برطابلك عقبتو :

لسمير و مراد و وليد

سميرعقبو:

لانور ووحيد و كمال

مراد عقبو :
لمحمد و صالح و عبد الرؤوف

و ليد عقبو :
لفاتح و هشام و مجدي

.....
...

راح تولي متتالية حسابية تكبر و يكبرو عدد ذنوبك معاها


في نهار واحد راح ينتشر الفيديو هذا لعشرين واحد
في النهار الثاني لربعين واحد
في النهار الثالث لثمانين


تخيل تموت

تخيل تموت والموت حق و الفيديو هذا مزال يمشي من بعدك ومزالك تدي في ذنبو ...

الناس تخمم في عمل صالح تديرو باش يخدم عليها نهار تموت زعما يساهمو في بناء مسجد و لا يديرو عين تاع ما قدام الطريق

ونتا خليت فيديوات مزالو يغرقو فيك بالذنوب ليوم القيامة


نفرضو جاتك صحوة


نفرضو جاتك صحوة و حبيت توب لربي من فعلتك هاذي و تقول للي عقبو الفيدويات ينحوهم .. نسقسيك تقدر تحوس على كامل الفيديوات ووين مشاو ؟؟؟؟؟ قادر تلقاهم في البرطابلات ؟؟؟؟ بلاك الفيديوات هذو واحد اداهم للصحرا و نشرهم و لاخر اداهم لدزاير و راكم تعرفو الناس كامل ولى عندها برطابل فيه كاميرا و يقرا الفيديو


اتقو الله قبل فوات الاوان ننصحكم وننصح روحي معاكم خطراش منيش امير مؤمنين راني كيفكم نغلط

ان شاء الله تفيد نصيحتي

جزاك الله اخي الكريم محمد وسيم على الموضوع الذي يعالج
قضية متفشبة في مجتمعنا واصبحت
ضاهرة يتباهى بها شبابنا ذكورا
واناثا واصبحت كما يسمونها
التطور ومواكبة العصر
وتغليط انفسهم
بالتحضر
والفرفشة
والفخفحة وانت الذي لا تملك جهاز نقال بدون هذه الميزات متخلف
وووووووووووووووووووووووووووووووووووووووووووووووووووووووووووو

والله اخي الكريم اثرت موضوعا بناء فيه ما يقال
ويقال الكثير
جزاك الله ورفع شأنك على النصيحة
وانصح نفسي اولا بتقوى الله وانصح اخواني
ان يبلغوا وينصحوا اذا توجب ذلك في مثل هذه المواقف

اللهم احفظ اولادنا وبناتنا وجميع المسلمين من الأعمال المخلة
وابعد عنا وعنهم الشيطان آآآآآآآآآمممبن آمين آمين
والسلام