مديرية التربية بالوادي والوظيف العمومي صمطوها

السلام عليكم جميعا
يا إخواني رانا ملينا الإنتظار من 28 أكتوبر عقبنا الشفاهي نتاع التعليم وما بان حتى حاجة كل ما يوعدونا بش تخرج النتائج مايظهر والو ملينا حقيقتا حتى السطاندارد في مديرية التربية كرهت مني كل ما تهز التلفون تعرفني تجاوبني ماكاين واو ماكاين والو مع العلم أن وزارة التربية أقرت فترة التكوين لكل الأسلاك الناجحة تعليم 140 ساعة بين عطلة الشتاء والربيع وشهر جويلية ومديرية الواد مازال راقدة في العسل مازال ما علقت وما اجتمعت مع الناجحين وما حددت حتى قرار .
حقيقتا صرنا في جو لا يطاق.

وا ستعينوا بالصبر و الصلاة

هههههههههههههههه هم يضحك وهم يبكي ياخوا احمد ربي كيلقيت معريفو وجابتله هالخبر يكفيك انا زعما زعما معريفتنا كبيرة بكل تواضح بصح لذورك راقد عالخط ماعلاباليش كل مانهدروله يقول راها والله مازال ماكملوهاش الابتدائي انا شكا انه مانجحتش بصح حاشما يقول بيلي معريفتوا خرجت زيزي
بصح قالنا انه الثانوي والمتوسط من زمااان خالصه وكامله واول اسم في الثانوي هي حزية سعداني وفعلا الطالبة باشرة العمل في الثانوي ....والله اعلم

السلام عليكم يا اخواني ما تعصبوشي ارواحكم راهم ناوين يكرهونا باش ما نخموش نشاركوا مرة أخرى في المسابقات التي تنظمها مديرية التربية ...هههههههه
في الأخير أقول
ارضى بالقضاء المحتوم
والرزق المقسوم
كل شيء بقدر
فدع الضجر


بالتوفيق للجميع تقبلوا مروري

bimo كتب:

هههههههههههههههه هم يضحك وهم يبكي ياخوا احمد ربي كيلقيت معريفو وجابتله هالخبر يكفيك انا زعما زعما معريفتنا كبيرة بكل تواضح بصح لذورك راقد عالخط ماعلاباليش كل مانهدروله يقول راها والله مازال ماكملوهاش الابتدائي انا شكا انه مانجحتش بصح حاشما يقول بيلي معريفتوا خرجت زيزي
بصح قالنا انه الثانوي والمتوسط من زمااان خالصه وكامله واول اسم في الثانوي هي حزية سعداني وفعلا الطالبة باشرة العمل في الثانوي ....والله اعلم

تمنياتي لك بالنجاح أخت بيمو إن شاءالله قائمة الابتدائي نهائي واسمك راه مفيشيمعاهم عددهم حسب علمي 157 منصب أستاذ مجاز وحصة الأسد للعنصر النسوي لأن المشاركين منهم عددهم كبير ما تخمميش من غدوى بإذن الله تهزي الكارطابل وظلي طالعه نازلة على الإبتدائية و طلعي العلم كل يوم ,لكن قوليلي عن هذه الناجحة في الثانوي التي إسمها حزية سعداني كيفاه باشرت العمل في الثانوي ولا عدها إستخلاف من قبل دوختيني كاش ما استعلمت عليها خبريني ربي ينجحك

ان شاء الله ياااااااارب وبالنسبة لحزية هيا دخلت تخدم كونترا عام كامل هيا الماجورا في الادب هذا العام ,اتصلوا بيها وقالولها راكي ناجحة بعد ماالتحقت بالعمل بصح مازال في المديرية مش هادا منصبها الرسمي المقرر من طرف الوظيف العمومي
والله انا حاسا انه هاد الاسبوع تخرج على هكدا مبردا اعصابي لخاطر الحاجة كتتحرق عليها بزااااااااااااف ايام وشهور وانت تجري موراها تعود هيا تهرب منك دونك خليها ويلا راها كاتبا ليك راح تجيك في الاخير هذا مبدئي في الحياة <<إذا
احببت شيء بقوة فاطلق صراحه فان عاد لك فهو ملك لك للابد وان لم يعد فهو لم يكن لك من الأول>>..؟ََ