بوقالات جزائرية

01 - كان صندوق من ذهب تودرولي مفتاحو كل مانتفكر يرفدوني رياحو
02 - خرجت فـي نصـاف الـيالـي وطلـبت معبودي قلت يـاربـي اجمع شملي مع شمل محبوبي
03 - عيني عين لحبيب ولسانـي حـاشـم تمنيت ندير الحنة ونزيد الخاتم
04 - نوضو يانايمين بنات السلطان جايـيـن فيهـم واحـدة زينـة الزيين تعشق الحواحب والعيــن
05 - خارجة من الحمام وخدودهـا يحمـاروا اللـي وريلـي دارها يعمرولوا داروا
06 - نمت والله والمنام رؤيـة من عندي ربـي حمامـة بيضاء جات حطت عليا
07 - عينيك تـوت وحواجـبك يـاقـوت أنـا نديـك واللـي يبغـي يموت يموت
08 - بنتي سومتها غالية بنت العز و الدلال وما يديها غير راجل فحل و ولد حلال
09 - هبطت لقاع البحر وحنيت يديا وقلت ربي كملي متراني متمنية
10 - المنجل عمرو مايسوى القلب مايحب غير اللي يهوى
11 - غـالـي غالـي والـغـالـي ربـي مهمـا أتروح وتغيـب معزتـك فـي قلبـي
12 - السمرة ياسمرة يالـي حلـوة كــي الـتمـرة عـيونـك شهلـة ولسانك جمرة
13 - قاعدين في الجنان بين الفل والياسمين قالي أنا نويتك حلال ليا يا لبنية قاتلوا اذا كان هكذا روح شوف خاوتي و والديا .
14 - كـي تلقـا المليح مع المليح يتوادو البنينة وكـي تلاقا المليح مع الدوني يشبعو الغبينة وكي تلاقا الدوني مع الدوني يغرقوا السفينـة
15 - احمد يا احمد ياللي عايروني بيك انت وردة فالكاس وغير انا اللي نديك
16 - [b]نطلب من ربي الفتاح يعطيني المفتاح ونحل البيبان ونشوف الهنا ونرتاح[/b]
[b]17 - [b]علي يا علي يا الي سومك غالي من صابك اتجي لعندي انفرشلك مطرح حرير وانغطيك بازاري[/b][/b]
[b][b]18 - [b]يالي جايا من العين وبيدك مليت السلة سبحان من اعطاك ازين وزاد في بهاك ديك الحلة[/b][/b][/b]
[b][b][b]19 - جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاهي و سلطاني.
20 - يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

[/b][/b][/b]

08 - بنتي سومتها غالية بنت العز و الدلال وما يديها غير راجل فحل و ولد حلال
مشكورة جدا أختي زينب على هذا الموضوع

مشكورة جدا أختي زينب على هذا الموضوع

السلام عليكم جميعا الزملاء والزميلات وبعد :ـ
ان ما يطاق عليه البوقالة والكلمات المتطابقة في المعنى لها تظهر للبنات أنها بصدق ولهدا صارت كل أعراسنا تجمل بالبوقالة والا فلا لكن أرى أن بعض كلمات البوقالة لا تصلح للتداول بين أفراد العائلة كأن تقول شفت طفلة زينة خارجة من الحمام وخدودها حمر كتفاح
نعتولي بيتها ........الخ هدا الكلام مهما كان فهو يحتاج الى مراجة وتدبر ولنفق من سباتنا ولننهض من الرداءة التي نعيش فيها والوقت الدي نقضيه في البقالة نقضيه في شغل البيت أم دكر الله

ااالبوقالة ليست بهذا القدر من الخطورة حتى يستفتى في شأنها او نقول أنها تجهل المرء,لكنها محض تسلية لا أكثر ولا أقل
"وقل لن يصيبنا إلا ما كتب الله لنا"
كلشي بالمكتوب أما البقالة فهي فال فقط
كونو متفائليييييييييييييييييييييييييييييييييييييييييييييييييييييين

صراحة انا من عشاق البوقالات حتى أني لا أجد واحدة إلا وقمت بتسجيلها في مدونتي
يعطيك الصحة

جميل
بورك فيك