هشام هشام
طاقم الكتاب الحصريين
- رقم العضوية :
- 15821
- البلد/ المدينة :
- زريبة الوادي
- المُسَــاهَمَـاتْ :
- 189
- نقاط التميز :
- 584
- التَـــسْجِيلْ :
- 25/04/2011
خروف العيد
في جيبي ملــــيون حَوشـتُو بالْـهَمْ ** نشــري كبش العيد وَ نّـفرّح الـذرْ
مقصـودي لسوق في مسـرح لغنــمْ ** بالساعي مضّـــرُوب يا ربي استرْ
و ثمَا بدِيت نْـــدور نـترجَّى لقّسـَـمْ ** لـمْـحَـاتو عيني و قـالت لي إبشــرْ
أعْــزم يا مخــلوق و تحــزَّم أزدمْ ** لُوح دلاك في لبير يرْسَى ليك الجـرْ
لحت إيدي لذِيـلو نتلـــمس اللحــم ** كي المـوال لكـــبير يعــرف الأثــرْ
بـرّق فـيَّ مليح و فـلهجة يرمْـرمْ ** قـــالي نــح إيديك يعطـيهم لكــسرْ
كانك صاحب مال عايـِش متقمقـم ** أوقــف غــير بعيد و نّدهـلِي مأَرْأرْ
نّجِي نربع ليـديك ظــهري مترقّمْ ** هيِّ غــير الشعير و حشيش مخَضّرْ
وإذا حاب الرخيس جاوبني بأنعم ** نخبرك في وذنيك ما تخبيلي السـرْ
تمــتم لي بكلام لاَحـو مثل السـم ** سُومتِي ثلثـملاين وما تنـسى لُّعْــشرْ
سامِيتو لجنـبو و بالنقاش يـفـهم ** وقتـلو يا لحبـــيب ما طـــيِّح لّقْـــدر
العـيد ع لبــواب و قلِيبي يخمـم ** عنــدي غير مليون ما تقلـيش أكـــثر
حشـمتك بالله يا لخروف أحشـم ** و انظـر لحــوالي تعـطي ليك لخـــبر
وهبط ذاك النيف ديقرادي لقْـيِّم ** و تواضـع إشــــويَ يخِّي خـراك بعَـرْ
اسمع يا لخـروف خلـيني نحـلم ** ما تحرمني لْخِـير عنـدك و إستغــفر
و أرجع للأصـول عندك و خمـم ** وسقسي لي عارفـين تحـشم و تـُمعر
ســيرتك في السُّنة تاريخ مزمم ** أقـــر كتب السيـرة عــندك و تفـــكر
رســلك رب لكـــون فدية تتنـعم ** و هــذا سي لخـــليل بسـم الله كــــبر
فديت إبنو إسماعـيل أطهر بالدم ** و ليك شــرف عظـيم بِـديْـتو تـُـنحر
سيرتك في القـرآن آيات مخـتـم ** في السُّـنة تأكــيد عن هـــادي البـشر
ألف صلاة عليه و نزيد انسـلـم ** بـدر بالتـــمام في النــور مـــــــنور
و كنت مع الفـقير طايع متبسـم ** في المـقْـدُور يشــريك و يـزهي الـذر
بالحنة يطليك في الجبهة مرسم ** و ذراري نظـّفــوك مسحو ليك لبــعرْ
وخْنايِّن تسـيل سدت لِيك لخشـم ** و تقول هذا خـــير و ذهـب يا شـــر
وليوم تزيّنـت و خرجت مكستم ** طلعت بيك ليام و زت السـومة صـفر
و بِي لِـمِين حْلفت معــظم لقسـم ** لا تدخـــــل للـــدَّار ساكنـــها لفـّـقر
جاوبني بجواب بكلامو مطـلسـم ** اســمع يا لغـريب في كــلامك حـاذر
هذا كلام صحـيح و لخـافي إنقـم ** حـــرنا في لعــمال و خـــدايم بشـر
إلي شاتي الحوت يشـمخلو لقدم ** ولـي شاتي السفـنج يبكرلو لفــجر
ولي عندو عــقل من شارا يفهـم ** ولي راسُــو شـعر من بكــري شعر
ما نعاود حديث نشرح ونطرجم ** هـذا كـلام أخـير و قص عــلي الشـر
اشري جدي صغير مازال مصرم ** كولو في سعتين و طفي نـار الجمر
ولا نعجة شارف كركاسْ مْعظمْ ** تلقى الضرع كبير و كْــراعها مظَـفّـر
ولا ديك بهــلول يتحصر فِـلخـم ** طــال لكـرك عليه شهر يدق الشــهر
خيِّر يا لحـبيب ونحِّي هَـلْـــقرم ** نــوّّع في المــأكول بلْكـــوشة مـحمر
و رّضَى بِالقليل كل واحد بقْسـم ** و دعـــي رب لكـــون يرزقنا لـمّـطرْ
سْكت عليَّ طويل و نطـق مّأمّأم ** غـــيَّرتو في الزمــان ولاَّ لِي محـيِّرْ
سرجْتُوه العَـوّد ما لجّمتُو الفــم ** طيَّشْكم في الخالي بالشوك محــــفّرْ
الشاعر هشام هشام 2013
