سبب تخلف الجزائر

سبب تخلف الجزائر هوشبابها الذين يتكاسلون ويمضون معضم الوقت في اللهو والسهر واللي يقرا حشاه بصح هاذاك ثاني لازم يجتاهد ويحط في راسو هدف باش يفيد بلادو في المستقبل ماشي يدير روحو راه رايح يقرا ومن بعد يحط كرطابلو في الحوانت ويروح لناس يظلو في الطريق يعسعسو ما نا عارفينهم لاواش راهم يواسو بلاك راهم يسكرو وانت واش راك عارف ومنثم يدوك لطريق اخرى ولا ماللي يلحق للمؤسسة غير يدخل للقسم يرقد وما يقراش خلاص وفي الامتحانات يضربها تنقال في كل المواد ويدي عشرينات تقول منين طاحو عليه الله يبارك ان شاء الله يواصل برك وما نيش نهدر على الذكور برك خطراما كاينين بنات خاطيين الطريق هاذي ماهيش خدمة.. ...كون تمشي في الطريق الصحيحة تستفاد انت وتفيد بلادك فكر وخمم وديرها ديما في راسك لاه بلادك ديما تستورد من البلدان الاخرى لاه ماهيش هي اللي تصدر والبلدان الاخرى تستورد منها . على هاذي نقرا مليح ونساهم في تطور بلادي .منحق كل مواطن جزائري تبنيلو الدولة فلة وقدامها بحيرة الله الله وفي وستها مسبح وملعب بصح منين يجوها الدراهم باش تبني ل35مليون جزائري كل هاذي الحوايج .لهاذا من واجب كل جزائري يقرا ويبني مصانع ونخدمو كيما راها تخدم الدول الاخرى لاه احنا واش خصنا باش منولوش كي اليابان ولا المريكان ونديرو الخير باش نلقاوه ونعاونو بعضانا ..تقولو احنا رجالة والمصاروة نساء انتوما رجالة في السب وتطياح الكلام وهوما نساء في ذون الحوايج بصح هوما رجالة نتاع الصح خطراما نصهم عباقرة ماهمش اغنياء صح بصح وين تروح يقولولك المصاروة عباقرة. ماهومش متربيين صح وما نيش نمدح فيهم حرقولي علام بلادي جامي نسامحهم بصح ربي يهديهم نكونو متثقفين وماندنقوش فيهم كيما حبو يخدموا يخي كاين ربي وراه يشوف فيهم نقراو ونخلو علام بلادنا ديما يرفرف ورؤوسنا ديما مرفوعين ونربحو غير الحاجة المليحة انتوما ما تعرفوش تكلخو ما تعرفوش تقولو نقراو مليح ونعودو مشهورين الناس كامل تعرف باللي الجزائر عندها عباقرة ماتعرفولهاش انتوما هاذي مديكم غير الزف والريح.
نتمنى راكم فهمتو كلامي مليح وانشاء الله تطبقوه ماشي تقولولي مشكوورة ولا عندك الحق ومنبعد وحد الساعة تنساو كلش.
مع احترامي ..........................................ميار

راكي جايبتها غير من وراء الشباب مساكن

ولما لا تقولين سبب تخلف الجزائر نظام حكمها و حكامها

راكي غالطا 100% لخاطر ماشي الشباب هوما سبب التخلف او ميقراوش وميخمموش نقولك علاه راكي تقولي هكذا لخاطر مزلتي صغيرة كيتكملي الجامعة رديلي بالخبر وين ترديها تتفرما وان شاء الله تكوني أول الدفعة لكان متكونش عندك المعريفة تحكمي الحيط كي خاوتك حتى شيئ الليقريتيه من لقعاد بزاف تنسايه
وعلاه متقوليش سبب التخلف هو البيروقراطية ، المحسوبية ، الجهوية ، الحقرة - واحد عايش واحد مطايش- هاذو كامل مشتهمش ورحتي ديراكت للشباب . مكانش واحد يحب لبلاد كيما الشباب ربي يحفظهم ويسترهم ويجبلهم لقسم تاع خدمة وأنا منهم



مصطفى05

والله عندكم حق كيما قريت ردودكم فهمت
خاص ردك اخي مصطفى
ما كان لاه نستنى حتى نتخرج
راهم عندي خاوتي
شومارة
و متخرجين من الجامعة

ربي ينوب عليك بخدمة و الشهرية الاولى ليا
هههههههه

صح ماهومش الشباب سبب تخلف الجزائر نظام الحكم والتمييز هو اللي هاردنا كل شي عاد بالمعريفة و البيستون اللي ماعندوش يقعد شوماج
:يعطيك العافية:

شكرا لمرورك سوسو
:شكرا لزيارتك:

ان شاء الله ختي ميار نعطيك زوج شهريات نخدم برك

ان شاء الله تخدم و لاباس و تنسى الشوماج و ايامو
وتعود تقول يرحم هادوك ليلمات لي كنت فيهم
شومار
و ما تعطيني والو
دعوة خير برك